بداية صيف والطائف بدا يستقبل الزوار
مصيف المملكة ما فيه لا شك ولا ريبه
هو الأول هو الأول مصيف ٍ ما عليه خيار
عروسٍ للمصايف مشتهر والناس تدري به
بساتين الهدى فيها الورود ونشوة الأزهار
وتضحك للشفاء ون زارها السائح تهلي به
هلا يا مرحباً في مرحبا ترحيبة الأمطار
يقول محافظ الطائف هلا مليون ترحيبه
تقدم من هل الطائف وتبقى للجميع إشعار
شعار الطيب يا طيبه ويا طيبه ويا طيبه
طلع نجم العروس وشعت بالأنوار
وصار الطائف أحلى منطقة واهله تماري به
جمالٍ بالطبيعة من جماله يلفت الأنظار
وموقعها قريبٍ من بلد مكة ومن طيبة
ترى الطائف من أيام قديمه منتدى الشعار
وسوق عكاظ يشهد ماضي التاريخ يحكي به
أنا مهما كتبت من القصيد وصافي الأشعار
عجزت أوفي حقوقه والقلم عجزت مكاتيبه
وصلى الله على خير العباد وصفوة الأخيار
عدد من حج بيت الله وعد اللي يصلي به
