الى متى؟ يا ساكن القلب والروح
اشكي غيابك واشتكي من عذابك
إلى متى؟ ببقى عطيبٍ ومطروح
مالي دوى يا غير شوفة جنابك
الى متى؟ وانا اشتكي هم وجروح
بين الضماير تلتهب من صوابك
مليت سهر الليل وعيون تنوح
ومليت طيفٍ لا رجيته غدابك
ان كان قلبك ناوي البعد مسموح
مثلي حشا لله يطرد سرابك
مثلي فلا والله له اي مصلوح
بطرد المقفي لو زهابه زهابك
انا اعترفت انك معي وين ما اروح
في مهجتي ساكن سوى مع عذابك
وانا اعترف انك من البيض مملوح
فيك الجمال اللي مزيِّن ثيابك
لكن حقيقة ثابتة من عصر نوح
زينك على شينك مردّه ترابك
