حن الفؤاد وزاد شوقه لغاليه
وابدا جزع نفسي خوافي حوالي
في هاجس الملتاع للي حواليه
البوح لو ما جاه منهم سؤالي
ومكنون قلبي كل هوجاس يبديه
ولاني بعد فرقا مني الروح سالي
وان جيت ادله عنه قلبي واسيله
سرعان ما يشرد لخلي خيالي
يا عاذلي ما اطيع قولك ولا أوحيه
راضي على ما في مالك ومالي
لا تحسب اني يوم اجامل واقول ايه
اني سمعت وطعت وارتاح بالي
لا والذي يعلم بقلبي وما فيه
اني فلاني في كلامك مبالي
بس اتلذذ في كلامك بطاريه
وارتاح يومنه يجي له مجالي
وباقي كلامك ما عرفته ولا بيه
هو راس مالك لا حصل راس مالي
يا ناس مهما صار ما نيب ناسيه
تفداه روحي لو فناها جرالي
والله ما هو هم حالي وما فيه
الهم حاله كان هو مثل حالي
اشيل همه فوق همي واعانيه
وما حس باله بالطبع حسن بالي
