مرحوم ياراع الوفا ماكر الطيب
ريف الخوي والجار ريف القبيله
فيه الوفاء والجود جمله وترتيب
والصدق عنده والعلوم الجزيله
ريف الرفيق وللمعادي عواقيب
والعدل طبعه والتسامح دليله
من شبته حتى كسا وجهه الشيب
ماجا رفيقه منه زله وميله
ابوي فالجزلات جاله تجاريب
تفخر به ازحول الرجال وتجيله
صحيح درب المرجله كيد وصعيب
وابوي درب المرجله يستويله
بالطيب عدا في طويل المراقيب
الطيب والمعروف وافي بكيله
عساه بالجنه حصان الاطاليب
والعفو والغفران جعله حصيله
عساه للفردوس من دون تعذيب
آمين يامنشي مزون المخيله
يالواحد الي تعلم السر والغيب
زدله درجات السعد والفضيله
