اعزوتي لا بارك الله بالضيق
دري من اللي ضمدت جرح الأعماق
ري من اللي روضتها الطواريق
هي شمعة سنيني وهي نبع الأشواق
شقتها والقلب صان المواثيق
وبادلتها صدق المشاعر بالأوراق
ربعت ما بين هاك المعاليق
ولا هو بعيب ليا غشى العين براق
عن وصلها ياصاح لو ينشف الريق
والله لأدلها هوى النفس بأخلاق
والله لأعديها طوال الشواهيق
والله لأصير لها دفا البرد ورواق
مازالت غصون المحبة مواريق
في خافقٍ ينزف غلاها ومشتاق
من مشرق الغرة لما طا الزماليق
ما غيرها أحدٍ محرقٍ قلبي أحراق
عسى بشايرها بشاير توافيق
النظرة اللي ساقت القلب وأنساق
وعسى يجنبنا الدروب المغاليق
ربٍ تكفل للأوادم بالأرزاق
يا عزوتي لابارك الله بالضيق
هذي هي اللي عالجت نزع الأخلاق!
