سبحان رب ما يوصف باالالوان
بااللوح والقرطاس بين كلامه
يامر على الطاعه ومشي باالاحسان
ودرب الصلاح مبين له علامه
رب خلق خلقه ولا هو ببحلان
خلق لهم عقل وبصر وفهامه
وخلق لهم يدين وعيون ولسان
وسخر لهم خرس البهايم كرامه
الخير اللي كاتب رزق الانسان
يقدر على الميت يجمع عظامه
يقدر عليه ويرجعه مثل ما كان
يوريه باالهولات يوم القيامه
اما يطب بجنة الخلد فرحان
والا يعود بحسرته والندامه
ولا ينفعه قولات يا حيف يا فلان
وينزع سمل ثوبه ويلبس حرامه
ولابد ما يقدى على العبد الاكفان
ولابد من قبر وحيش ظلامه
ومن تاب للمولى نصوح وندمان
يوم المواجه بشره باالسلامه
واللي عن الطاعه تغيشم وعميان
هذاك يجزى من لهايب حطامه
الله على الفنجال والصبح مابان
يوم ان كل غافي في منامه
كثر بحبه والصبوب ايش ما كان
والرزق عند اللي رفيعٍ مقامه
وصبه على اللي ما تغالوا با الأثمان
با اموالهم يتلون درب النشامه
واثنه عليهم وارجعه عقب مازان
قبل يجون مكثرين الملامه
صبه على اللي يوم روغات الاذهان
رجل على الشدات يكرب حزامه
قبل يجيك مخطف الهرج شبعان
عقب الغدا متعادلات خصامه
يشرب من الثنوه تقل شرب عطشان
يهم ولا يفهم خطاة الخمامه
باالوصف له حلق تقل وصف محقان
والا كما البرميل مابه صمامه
لو ان حلاله ظاهرن وسط الاركان
خويه الشيطان جود بلامه
عن المروه واقف له بمحجان
مثل المقام اللي عليه الردامه
