مرحوم ياللي يوم الاثنين حطوك
بين اللحود وبين رووس النصائب
وخلوك لو ماودهم يوم خلوك
ووداعة الله يا عطيب الضرائب
وحبوك عكفان الشوارب وسموك
بالجود ياللي ترتكي للصعائب
ولاجوك من طول المدى ما تعدوك
اللي من اقصى الناس واللي قرائب
وزرعت حبك فالرياجيل واغلوك
وغائب وكنك يا علي ما انت غائب
ولا تحسب انك يوم رحلت نسيوك
يبكيك طفل في مهاده وشائب
وصلت في دار المدينة ووصلوك
ويمك تسوق مطير عوص النجائب
وينعونك اللي يا ابيض الوجه خاووك
ودموعهم فوق النواظر سكايب
وينعونك اللي بالمعاريف عرفوك
ليا هبى عن واجبه كل هايب
