ضافت بي الدنيا وكثر التحاسيف
يومك عليلٍ سهم روحي طعنها
يا ليت منهو شال عنك التكاليف
أو خذ من جروحك بقايا حزنها
عسى الجروح اللي بصدرك تخافيف
جرحك أبقلبي والمشاعر حظنها
ودي أبوح السر وأحكي عن الكيف
طال الصبر والروح فكت رسنها
ليشفت زولك جاب كل السواليف
أنت الوحيد اللي بروحي سكنها
وأنت خريف العمر وأنت لها الصيف
وأنت الربيع اللي يحلي عدنها
وليجيت أبحكي عنك قالوا تخاريف
ودقات قلبك خافقي يحتضنها
وإلي بغيت أوصف تضيع التواصيف
نشوة غرامي بالمشاعر لحنها
أنتَ حليل الروح وأنا بها الظيف
وأنت الوحيد اللي سكن في وطنها
يا أحلى معاني الحب والشوق والطيف
وأحلى الغرام اللي بروحي فتنها
