ما قلتلك ذا الوقت قاسي ودوار
تشين لو زانت ليالي دهرها
هذا انت.. غبت وفرقت بينا اقدار
جت منك والاحلام كلٍ خسرها
من عقب مشوار بدينا به صغار
نرسم لامانينا من احلى صورها
عمر مضى عشناه في حلو وامرار
ايام وسنين عطتنا ظهرها
ياما حصل فيها من افراح واسرار
بالله قل لي منهو اللي كسرها
انت السبب يا مرخص كل ما صار
احساسك الميت هو اللي دمرها
يا شينها لانهدت احلام كبار
صدمه على نفس تزايد سهرها
نفس معودها علي انواع الاكدار
على الشقا وقت العنى كم عسرها
ارغمتها بالصبر واجبرتها اجبار
تنسى لمن خان العهود وغدرها
فلا تطري الرجعة ولا تبدي اعذار
يكفيني اللي صار لي من كدرها
قد قلت لك ذا الوقت قاسي ودوار
هاذي تصاريف السنين وقدرها
