نشرنا في عدد الأسبوع الماضي لغزاً كتبه الشاعر علي بن رشيد الرشيد من محافظة رياض الخبراء بمنطقة القصيم وكان نصه:
يا ويش بنت يتبعه ستة إخوان من قبل آدم ذكرها لين ذا اليوم بنت لها فضل جزيل ولها شان قل لي جواب اللغز لا تكثر الحوم |
وقد وصلتنا عشرات الحلول التي اضطرتنا كثرتها لاستخدام القرعة وقد استحق النشر حسب القرعة الحلول التالية:
يا مرحبا ما هزت الريح الأغصان ترحيبة اللي لاحضر يفرق السوم يا بو رشيد اللغز محكم ومليان حله هي الجمعة ترى القصد مفهوم |
ناصر المسيميري - الرس
ذعذع هو الخبرا له أسبوع طربان يلعب مع أفكارالمحبين محشوم واليوم«جمعه» موعد الحل برهان باقات نرجس بالمدارات بالكوم |
نايف محمد الأسيد - القريات
يا ابن رشيد اللغز واضح ومليان واضح وضوح الشمس والأمر محسوم جوابه الجمعه ولاني بغلطان عسى الجزيرة تقبل الحل ودوم |
هديبان بن راشد المطيري - المدينة المنورة
يا علي لغزك واضحلي بالأذهان لغزك هو الجمعة ومعناك مفهوم واخوانها الأيام من ماض الأزمان وهي عيد للمسلم ليا دايم الدوم |
متعب الحميدي الحمادي - عرجاء
سلام يا للي صرت للطيب عنوان اللغز واضح والهدف صار معلوم يا تارك الجمعة مفرّط وغلطان من فاتته كنّه على الخشم ملطوم |
عبدالله العبدالعزيز - تمير
هات القلم يا عمير نكتب للاخوان لغزٍ تبيّن بالجريدة لنا اليوم البنت يوم الجمعة اللي لها شان وأخوانها الباقين معها على الدوم |
عبيد عبدالعزيز الفيصل - الرياض
لحظة قريت اللغزحله لنا بان جمعة فضيله يومها قلل النوم اليا أذن المذن خزي كل شيطان بعد الاذان اترك هل البيع والسوم |
خالد المويهان الحربي - بريدة
أبدي بذكر الرب علام ما كان أبدي بذكره كل يومٍ على الدوم وخبرك يا علي حل اللغز بان سته من الأيام وختامها اليوم |
ظافي سعود الغياثات - الأفلاج
يا مرحبا بك عد ما هل هتان واعداد ما ساق الهواء بالسماء غيوم واللغز يا هل اللغز.. من ماض الأزمان حله هو الجمعة صحيح ومختوم |
محمد بن حمد البدر - الزلفي
يا مرحباً ترحيبة أخوان لأخوان مبطين منهم مالفى منهم علوم يا كود خطوى جمعة تجمع الشان فيها القرايب تجتمع طيلة اليوم |
مبارك محمد طرجم الضعاوين - وادي الدواسر
حلي على قدري ولاني بغلطان يوم اتقيد في قوانين وسلوم حليته الجمعة على قدر الامكان وأمسجله باسلوب هادي ومحكوم |
سيف بن مويزر البدراني - الرس
يا علي هاض القلب في بدع الألحان يومي قريت اللغز متقن ومحكوم يالله توفقني لساعات نفران في يوم هالجمعة ولا أصير محروم |
سليمان بن صالح المدالله - الزلفي
ياعلي لغزك بين كل الملا بان واللغز للعّراف واضح ومفهوم حله هو الجمعة ولاني بغلطان والسته الأيام لعلك تدوم |
شبيب بن شاهر - رماح
يا مرحبا تقدير من قلب ولسان بالشاعراللي عندي غالي ومحشوم ما ظنتي محتاج بالحل برهان يا مصلي الجمعة ترى الرزق مقسوم |
سعد بن مويزر البدراني - الرس
انا عرفت اللغز مانيب بلشان والحمدلله عندي اللغزمفهوم هذي هي الجمعة بلاشك يافلان واللي تركها يابن الأجواد محروم |
إبراهيم بن مسمار القحطاني - الرياض
علي الرشيد إيقول وش ستة اخوان يمشون خلف أختٍ لهم دايم الدوم أقول أنا الجمعة على مرالأزمان من يوم خلق الكون للناس معلوم |
غازي أبو زوائد الفريدي - الأسياح
اللغز حليته ولاني بغلطان احرص على «الجمعه» ولا تكثر النوم ولتقابل المولى وهو عنك غضيان وإلا ترى تكثر على نفسك اللوم |
جمعان جابر سلطان القحطاني - الرياض
يا علي قلت اللغز واللغز مليان وللبنت يومٍ بين الأيام مفهوم ترى أسمها الجمعه ولاني بغلطان مسلم وذاتي في صلاتي مع الصوم |
فهاد بن عايض بن عمير - الرياض
يا للي طرحت اللغز للغز نيشان ملزوم أحل اللغز ملزوم ملزوم هذي تراها عيد الأسبوع يا فلان الجمعة اللي أخوانها عقبها دوم |
فواز عايش العتيبي - المجمعة
الخير له منبع.. ومنهج.. وميدان فيي وقتنا والناس معطى ومحروم والجمعة أضحت في سما العلم نيشان لو كان ما صاب الهدف كود شغوم |
فهد الجروان - الزلفي
يا علي لغزك عقب تحليلنا بان الحل واضح قدم الاعيان مفهوم البنت جمعة كان ما نيب غلطان وترى الصلاة أحسن ومن اللهو والنوم |
سعد بن صنهات السهلي - الدرعية
يا مرحبا ياشاعر صاغ الألحان وأبدى لغزمصورومرسوم اللغز واضح يا علي دون نقصان حله هي الجمعة واذا اخطيت مليوم |
أحمد بن شراع الذيابي - أم الدوم
إعداد ما هلت هماليل الامزان يا مرحبا حييت يا مبعد الحوم تنشد عن العذرا وأنا أقول ربحان مادامها الجمعة ترى الرمز مفهوم |
فيصل فهد العمار - الزلفي
