الحمد لله تماثل للشفا نايف
وزيرنا اللي لفعل الطيب معتادي
على سلامة وزيرٍ يمن الخايف
نشكرك يالله يالمعبود يالهادي
خبر تشافي طويل العمر يا هايف
اسعد.. نبأ.. ذيع بالتلفاز والرادي
نرفع رايات الفرح بالعالي النايف
استبشري بالسعد والعز يا بلادي
من شرقي المملكة لغربي الطايف
نشعل شموع السعادة.. والفرح زادي
يقوله اللي لبسمات الفرح شايف
في كل وجهٍ يرى نور الفرح بادي
نايف طويل العمر بالمعرفة كايف
هذا ولد من تحدى كل الاضدادي
في موطنه ما يعيش الحيف والحايف
ما فيه ظلم.. وتعدي والامن سادي
حقايقٍ ما يقف في وجهها زايف
الواقع يقولها ياكل نشادي
نايف ندي الايادي مكرم الضايف
له في سجل الصخى تاريخ وامجادي
يالله يالله يالمعبود يالرايف
عسى لياليه دوم افراح واعيادي
