طاب الامير وفرح شعبٍ وحكام
ومن الفرح سلمان ينور حضوره
والسعد عم اشيوخ واطفال وايتام
قلب الوطن نايف وعينه ونوره
والدار زانت واقبلت بيض الايام
وجموعنا لجنيف راحت تزوره
وشلون ما نفرح بنايف الى قام
وانزاح عنه الباس واقفت شروره
اللي على الشدة نلاقيه قدام
وان عز رأيٍ مالنا غير شوره
حلال حلحيل عن الدار ما نام
عينٍ لابو فيصل تراعي شعوره
له غاية من دونها كل الاحلام
المجد نايف والمعالي قصوره
وله حكمة يحتاجها كل مقدام
طبعه فريد ونادرٍ في عصوره
يشهد لنايف من لبس ثوب الاحرام
وادى الفريضة غاية في سروره
حارس حمى البيتين واركان الاسلام
في دبرة الله ثم والي اموره
حمله وطن والرجل يا حيف تنلام
يرقى الصعيب ولاشكى من عثوره
يا جعلنا نفرح به اسنين واعوام
يكمل على درب المسرات دوره
