ماجور يا بو سعود لا باس لا باس
يا ميرنا يا عزنا يا سعدنا
سلامتك يا سيدي مطلب الناس
يا مير يا تاج الامن في بلدنا
في مملكتنا صارت اعياد واعراس
بشفاك يا بو سعود لله حمدنا
أتعبت رجلك للمعالي بلا قياس
تسهر وتتعب لاجل ترفع مجدنا
جهودكم صارت للامجاد نبراس
على الرخا والامن كلٍ حسدنا
نايف ولك في قمة الطيب مجلاس
ولك الولا منا وصادق عهدنا
ولد الزعيم الليث للطيب غراس
عبدالعزيز الفيصلي هو اسدنا
اللي بنى عزه ومجده على ساس
من فعل اخو نوره وفينا وزدنا
يوم انها مرة على قب الافراس
ساد الجزيرة كلها ثم سدنا
صقر الجزيرة يوم الارياق يباس
بسطوة معزي للمعالي صعدنا
واليوم في عهد الفهد نرفع الراس
اللي بظله صرح الامجاد شدنا
في ظلكم للشعب عزه ونوماس
الكل منكم بالشدايد سندنا
