ودي أرحل معك وأقهر زمان القهر
ودي أعيش كل ادروب حبك رحيل
دام يمك خطا رجلي تسوق السفر
والله إني لجيب الدرب لو هو طويل
مايعجز القدم ما دام قلبك مقر
سعد منهو لقا في وسط قلبك دليل
اخذ باقي حياتي وخذ حتى النظر
دام نظرة عيونك يم عيني تميل
وخذ عمري وعمرك وخذ كل العمر
بس عطني من الايام شيء قليل
انت في وسط قلبي غير كل البشر
وأنت ملقالوا بحث في البشر لك مثيل
دام حرفي نصاك وجاك قلبي شعر
لاترد الورق يم المعذب ذليل
ولو طويت الورق ولو جف دم الحبر
ما اتركك لو على خدك دمايه تسيل
من عيونك تعلمت الصبر والسهر
كيف أضيع شقاي الى جمعته حصيل
أنت درة وأنا ما خاف موج البحر
والله إني لأغوص آخرك بالمستحيل
وأنت زهرة وأنا ما أحب كل الزهر
غير نفحة نسايم عطرك اللي عليل
مثل زهرة ربت في وسط روض خضر
زهرة السوسنة قلبي عليها يميل
