يا ديرتي حبك ترا ماله قياس
فيك الشهامه والرجال الكريمه
حبك جرا فالدم والقلب وحساس
وانتي بلاد العز دايم عظيمه
يحميك رب البيت من كل الانجاس
ويكفيك شر اهل القلوب السقيمه
دار السعود اللي بها كل الاجناس
والمعتمر والحاج يلقى الحشيمه
وتجلا عن المضيوم ضيمه والاتعاس
يشهد لها منذ عصور قديمه
دستورها القرآن للشرع نبراس
حق وعداله ما تعرف الظليمه
وفي ظل ابو فيصل لنا رفعة الراس
ولنا مع العالم معزة وقيمه
مليكنا اللي زاد حبه مع الناس
ندعي إله الكون ربي يديمه
هو خادم البيتين ومشيد الساس
بنهضه حضاريه وخطه سليمه
ويا ديرتي حنا لك جنود حراس
نفديك يادار علينا رحيمه
ولا نستمع في قول حاسد وبلاس
والى الابد عشتي بلادي عظيمه
