بقلوبنا اكثر.. من كلام الشفايف
عسى عيون الشعب ما يوم تبكيك
بقلوبنا شفناك والله شايف
ياعين تحمينا عسى الرب يحميك
ما جور عن كل التعب والكلايف
يا ابو سعود الله يحفظك ويشفيك
خطاك تشكي من طلوع النوايف
اسلم.. وتسلم للمعالي خطاويك
يا طير شلوى يا عديم الوصايف
يا طيب طيبك.. طيب الله مساعيك
نايف على اسمك وانت بالفعل نايف
كنه يشوف فعولك اللي مسميك
ياما مسحت دموع عينٍ ذرايف
وياما امطرت سحب الفضايل اياديك
لك وقفةٍ تطرد هموم وحسايف
ولك سيرةٍ تغضب عدوك وترضيك
يا سيدي تكتبك بيض الصحايف
بالصمت تفعل لين فعلك حكافيك
انصفت بعد الله.. وامّنت خايف
ما قول غير الله بالخير يجزيك
ياللي على دارك غيورٍ ورايف
الله لو تدري كم الشعب يغليك
