أدعو معي يا أهل القلوب الرحيمه
أدعو لأمير الجود في كل الأوقات
الطيب اللي سيرته مستقيمه
نايف حجانا في السنين المشطات
أبو سعود اللي فعوله عديمه
حلحيل حلال الأمور الصعيبات
اللي قضى على جذور الجريمه
رغم اتساع المملكة والمسافات
من حكمته للأمن هيبه وقيمه
طور جهاز أمن الوطن بأحدث آلات
يحارب أهل الزيغ وأهل الظليمه
وأهل العقول الضايعة والدعايات
عنده على ردع الجرايم عزيمه
يقضي عليها في مهدها بساعات
ويمناه للمحتاج تنفق كريمه
ليا عطى دايم عطاياه جزلات
يسقي كبود من عطشها محميه
له في طريق الخير وقفة وبصمات
الله يحفظه في حجاه ويديمه
وطهور ماصابه وبجزاء بحسنات
رجل الوفا راع الفعول العظيمه
وزيرنا نطاح صعب المهمات
وختامها ما لاح برق بغيمه
صلو على المختار في كل لحظات
