تزعل عليّه مير الايام ترضيك
ما انته بلاقي من يسد بمكاني
ما احد كما قلبي يودك ويغليك
لو كل خلق الله عطوك الحناني
مهما تروح العين دايم تراعيك
غيرك ما ادور لي من الناس ثاني
على الوفا والوصل ما احدٍ موصيك
خلك تعلم من دروس الزماني
عندي امل تفهم من الدرس وارجيك
لو اني اقضي العمر اكابر واعاني
وانا تراي متيم هايم فيك
الشوق من ناظر عيوني يباني
وانته بقربي عايش ودي ابكيك
اخاف ياخذ وقتي اللي عطاني
