أنا كاينٍ مخلوق ما أدري بعلم الغيب
ولاشك لي في ماضي الوقت تجريبه
وبانصح شباب اليوم من واقع التجريب
حيثني مشيت بهين الدرب وصعيبه
تمشوا مماشي سنةٍ سنها الحبيب
نبيٍ هدانا واهتدينا بتأديبه
وعليكم بفعل الطيب يامدورين الطيب
وتجنب دروب الشين والشك وريبه
ترى الطايله في شبت العمر قبل الشيب
حسب مانشوف وحكمة الله وراغيبه
ترى المرجله مشوارها ياشباب اتعيب
يكيد الردي والاراعي الطيب يمشي به
ياغافل تذكر لاحضر يومك الغربيب
نهار شبابك فيه تطوى مكاتيبه
تواجه حقايق ما عملته على الترتيب
محصيه الكتاب اللي هاك اليوم ياتي به
عليك الجوارح شاهده والعذاب مهيب
أمام القضا ما تجحده وانت تدري به
لاشك أطلب اللي من ترجاه ما يخيب
إله البريه عالم الكون واللي به
