هو صحيح إن الغلا شيٍ كبير
وإن حُبك يا حياتي ما انجلا
لكن أُمي حُبها أكبر كثير
دامها نبع الحنان اللي علا
آه وإن قلته تردد ما يصير
ليت هالّونه بقلبي يا غلا
ليت ربي يحرسك تصبح كبير
وافرح بشوفك حبيبي بالملا
يمه إنتي فرحتي وأنا الأسير
وسط قلبك طير عاشق ماسلا
حبك بقلبي وأنا طفلٍ صغير
يوما عيونك تداعبني بهلا
كنت أناغي في سريري المستدير
يوم اشوف الشوق كله والحلا
أُمي الجنه تحت رجله تصير
ولجل عينه حب غيره إنجلا
إيه احبه حب محدٍ له خشير
لو تضيع الروح في أرض الخلآ
وفي صلاتي ادعي الله البصير
يحفظ أُمي وام غيري من البلا
