Al-jazirah

في الجزء الثاني والأخير من روايات الواصل: في الجزء الثاني والأخير من روايات الواصل:
ابن غيام يحدد المنازل والمعالم مدحه الهجاء لأنه شيخ كريم

ويستمر حديث الذكريات مع الراوي الواصل فأسأله قائلا:
ابو محمد تريد من قصائد زين بن غيام. قال: زيد بن غيام له قصائد كثيرة شيء منها في الغزل وشيء منها في المديح ومن ضمن ما قال زيد بن غيام في ذكر منازل جماعته واسماء خباري الصمان قوله:

انا هالني مزنٍ تظهّر على الصمان
على الضلع الاسود ضافيات هماليله
تبنا خشوم المزن كنه حصا حوان
يحن الرعد ومعقرب البرق يوضيله
تملت خباري الصلب وين انت يالعشان
ثمان الخباري تاسعتهن كحيليله
تجار الحتايف لين تاصل الى الجيان
وجغبقا يقول صليبي كنه النيله
يشد العميل وجلعت طرّف الفرقان
يبي الصلب الادنا قبل تكثر نزازيله
وهي اطول من ذلك.

ثم سألت ابو محمد فقال انني سمعت من شاعر مطيري من المقيمين في عنيزة يقول:

ليت المزكي عندنا ما بعد راح
ياخذ ثلاث اشهر على الماء قطيني
مير البلا وان شلعوا فجر الاصباح
تشاوروا ثم غدوا فرقتيني
أولهم اللي هف من يم الاسياح
وتاليهم اللي في زبارة رديني
مطران وان شافوا لهم بارق لاح
ثلاث شدات لهم شدتيني

ويقول انني سمعته وهو يقول ايضا:

يا زين مقطانكم يا امير
مير البلا كان شديتوا
يا مطير يا مشبعين الطير
في سهلةٍ وان تناخيتوا

ثم سألته عن الشاعر الشهير حنيف بن سعيدان هل له قصائد كثيرة.. قال حنيف بن سعيدان له قصائد كثيرة بعضها هجاء لكن الناس بعضهم لا يحرص على الهجاء من ضمن قوله ابيات يمدح فيها الاصقه الدويش يقول:

لا ضاق صدري يم الاصقه تخطيت
لو كان من دونه ثمانين شباب
نجرٍ يصوت كل ما اصبحت وامسيت
لكن يندبني على النار نداب
منفله عن ربعته رفعه البيت
للحيل ذباح وللسمن صباب
وان جا نهار فيه ضرب المواريت
يركض مراكيض لابازيد وذياب

ويقول حنيف ايضاً:

من غرته نفسه نسي كل ما جوب
يمناه ما تنفق وحلو لسانه
يشبه لجم المجمعة نوب من نوب
لا تعتبر في جمها وزكحانه
ان امحلت طو المحاحيل وغروب
وان ارجعت زان المدي وانسفانه

ثم سألت ابو محمد عن اللي يقول الضيف بالخبراء يقلط على الراس قال هذا البيت للشاعر سالم الرويعي من الدهامشة من عنزة جاورهم واكرموه وثناء عليهم بما هم يستحقونه واهل له.
يقول سالم الرويعي العنزي:

الجار بالخبراء يقلها على الراس
ولا دوروا عند القصير الدنافيس
اولاد منصور هل الفضل والباس
خطلان الايدي كاسبين النواميس
هم بالقصيم وبالجنوب بن دواس
واهل الحريق وبالشمال السناعيس

ابراهيم اليوسف