الا يالله يارب الملأ يا هازم الأحزاب
إله الكون ياللي يلتجي لك كل منصابي
إلهٍ لا إله إلا انت ربٍ غافرٍ تواب
يا من يفرح بتوبة عبده ليا زلْ ثم تابي
الأقصى يا إلهي يلتجي بحماك يوم إنصاب
يا رباه أطلق أسره من بني صهيون الأذنابي
(حفيد القرد) ملعون الطوايف واقفٍ فالباب
يارب.. أمة محمد ضاقت ابها درفة البابي
بني صهيون فالقدس الشريف يسامرون الراب
ثعوا بأرضك فسادٍ تحت راية (لابس الكابي؟)
يهدمون البيوت ويقتلون العجز والشيِّاب
ويطقّون الطفل ويكسّرون بيده الألعابي
هتك عِرض الفتاه.. وبالخرق تعصب عيون الشاب
ولا يطلق سراح عيونه إلا وسط سردابي
وحنا يالعرب صرنا جيوش مظاهره وإضراب
شوارعنا إمتلت بمظاهرات وشجب وإضرابي!!
تفرقنا وحنا اللي منول مالنا غلاب
سقى الله يوم كنّا.. يوم منّا كلٍ يهابي
ألا يالله تلهمنا الصبر في مجدنا اللي غاب
وانا عندي يقين (المعتصم بالله) ما غابي
ما دام الموت واحد والتعدد صار فالأسباب
نبي موت الشهاده ما نبي موتك بالاسبابي!
إذا كان الدفاع عن الوطن في (شرع بوش) إرهاب؟
فأنا أول واحد فالقائمة سجلني إرهابي!!
