الشعر ماهو بس وزن وقافيه
الشعر معنى كان تفهم يالبيب
أنكان ماصحّى القلوب الغافيه
وشد انتباه اللي براسه حل شيب
وأنكان ما أوقد نار كانت طافيه
حرام ماتجني وراه إلا ألف عيب
اهتم فيه ولا تصير مجافيه
اليا جفيته نادره عنّك يغيب
اليا اعترضلك واديه خذ صافيه
انهل من الصافي وخل عنك السريب
ولبّس قصيدتك الثياب الضافيه
لا تنكشف عوراتها بعيون ذيب
خل من سمعها قال هذي كافيه
حتى بعد رمايّها رميه يخيب
لاتنتقد أحذر يمال العافيه
عنّز معانيها على الرأي الصويب
لاتنتحي عنها لراع الهافيه
مثلك يوّردها على جال القليب
لوّك بكون وفي رياحٍ سافيه
والله ان تطارد فوق مومية السبيب
خل المعاني لكل شقٍ رافيه
خل المعاني تزهر برأس الشعيب
واليا اجتمع معنى ووزن وقافيه
ضميّتها ضمن النوادر يالبيب
