Al-jazirah

محاورة الأسبوع .... محاورة الأسبوع ....

من محاورة قديمة جرت بين الشاعرين الشاعر الكبير مستور بن تركي العصيمي والشاعر زيد بن سلمي العضيلة المطيري
زيد:

كلها حشمه وتقدير مني للجميع
يا سلامي برده وافياً ميزانها
المخوه بيننا يالعصيمي لا تضيع
وانتبه للحيّه اللي تمد السانها

مستور:

يالله اني طالبك يا مجيب ويا سميع
مرحبا بك عند قوم الشرف عنوانها
خلنا يازيد نمشي مع الدرب الوسيع
عان في ظهر الفرس سرجها وعنانها

زيد:

طوع الأمثال لين انها لنا تطيع
وان قريت رسالتي شوف وش عنوانها
أنت في سوق الرخاء تشتري والا تبيع
والبضايع يالمسعر تعرف اثمانها

مستور:

السوالف بيننا يالمطيري لا تضيع
كل نفس تعرف سياتها واحسانها
خلها تذرى وتنبت على نو الربيع
ان قطعت عروقها ما تعيش اغصانها

زيد:

السنين بدورها شيبت راس الرضيع
وأهل الدينه تدور على ديانها
قصى دربي لا تسافر مع الخط السريع
لا تسير بطرقة تنقفل بيبانها

مستور:

خلنا نبدي بهاك الخبر مع كل ريع
ارم بالبندق ولا يختلف نيشانها
أنت مأنت محمد اللي لخلق الله شفيع
السوالف كيف عجفاتها وسمانها

زيد:

والله أنا ما نبي زبدة الشاوي تميع
وأهل الجيره تحافظ على جيرانها
صح أنا ماني نبي مير دوبك لا تتيع
لا تطير ابك السريعه على جنحانها

اختيار/ زهران عون الله المطيري /بريدة