يا حبيبي فيك أنا مالي نصيب
قسمة الله يا حبيبي والنصيب
حظنا ماهوب معنا.. ضدنا
وضدنا اللي قالوا ان الحب عيب
إترك اللي دايماً ليتك معي
إترك اللي ما يبي بعدك حبيب
وانس ماضينا الجميل اللي مضى
وانسني والله على الظالم حسيب
وان جمعنا الوقت صدفه في طريق
اعتبر غاليك يالغالي غريب
رح عسى الله يسعدك ويوفقك
يا حبيبي رح عسى جرحك يطيب
جرحي اللي ما يداويه الزمان
ما يفيد الطب فالجرح العطيب
صعبه الفرقا عسى ربي يعين
النصيب.. وما يصيب إلا النصيب
