هالحين تسأل وش بلا خاطرك شين!!
الله واكبر توك تحس فيني
كم لي وانا حالي كذا.. ضايعة بين
اني ابيك وخايفه.. ما تبيني
صحيح عوّدتك على جانب اللين
وضويت لك مع شمعة الليل عيني
وخليت لك قلبي ورود وبساتين
تمشي وانا انقش شوكها في يديني
روح اسأل ايامٍ مضت عننا وين
وعن سرها اللي كان بينك..وبيني
وعن عين كانت قبل ما تعرفك عين!!
ومن شافتك وانا الشقى محتويني
وهالحين تسأل وش بلا خاطري شين؟
الله واكبر توك تحس فيني!!
