انا لا بديت القيل وابدعت بالطاروق
على غايةٍ باقصيى خفى السد مكنونه
معانٍ تريح القلب وتخيط فيه افتوق
ملاو البيوت اللي عن الميل ما زونه
اهوس على المعنى بفكري وسوقه سوق
وعبر ابزين القاف وامشي ابقانونه
على غايةٍ للقلب في داخل الصندوق
حواها ضميرٍ عدت اعوام مسجونه
على خوّت الي عندهم للمعاني ذوق
على منهجٍ جملة هل العرف يمشونه
عليهم مقاد القلب دايم يتله شوق
يحب الدروب اللي على الطيب مسنونه
ابا سجتن معهم شمال وجنوب وفوق
وعلى ساكنٍ جسر المحبه يشوفونه
تركت الردي لو جادلي في حلا المنطوق
اعرفه واجنّب عنه والأمر يا هونه
اروح ابهوايه واتجنّب طريق العوق
وادل الدروب اللي عن الشين مامونه
يزود اشتياق القلب والخاطر المزنوق
وتخف الهموم اللي على القلب مركونه
هذا ما يجول ابخاطري والفتى ملحوق
لله البقى والنفس للموت مديونه
