قصة غرامي على وضح النقا الصافي
ظلما عيون البشر صعب لا تقراها
حبيت انا قلبها ويا ليت به وافي
بس للاسف دنيتي اخطا في مبداها
جاني على قدرته جيته وانا حافي
جيته الملم جروح النفس وانساها
بس ما لقيت الهوى في داخله شافي
الله يعين الذي قال اني اهواها
يسكب دموع الشقا في مهجع خافي
ماوده اهل الحسد تفرح بدنياها
وش باقي تاخذي يا دنيتي كافي
راحت حياتي وانا باقي في رجواها
روحي لغيري وكم شخص رقد غافي
شوفي فروق الكدر في عين من جاها
ناس تنوم وهنا في نومها ضافي
وناس تمنا الهنا لحظة ويسلاها
صارت همومي غفا وادموعي الحافي
يا كودها دنيةٍ نمشي في مشهاها
مادام ذي علتي رجوانا فالشافي
ربي العزيز الولي ينهي لي شكواها
وانتي اهجريني عسى قلبي بكم جافي
ويا عل دنيا الحزن تبقون فحماها
واتذوق طعم الكدر والهم يا كافي
وعين روتني بعد اتذوق من ماها
