ما يجتمع حبٍ معه صد وابعاد
أحسن نروح ونفترق عن بعضنا
دامك تقول إن السبب حسد حساد
نصبر على مقسوم ربٍ عرضنا
وش عاد لو ماجا خطا منك وش عاد
سنين عشنا آمال زادت مرضنا
على الأمل يا ما صبرنا ولافاد
ولو استمر وش مكسبي لو فرضنا
نبقى كما كنا والاوضاع تنعاد
ما صار شي ولا تحقق غرضنا
انته وانا ما عشقنا عشق ميعاد
صنا العهود اللي عليها احتفظنا
نبغى مواصلنا على روس الأشهاد
وعيا نصيبي ما نفع لو ركضنا
كني مقيد عن مواصلك بقياد
حتى الزمن من دون وصلك رفضنا
ماني على فرقاك راغب ومنقاد
لكن عجزنا نجتمع مع بعضنا
