يا أمير سلمان.. وقفاتك لنا فيَّه
في ظلها قد سكنّا واطمأنينا
كسيتنا بالوفا في سلم وبهيَّه
حتى العيون امتلت سلوات آمانينا
عزمت واحكمت وانساقت لك النيّه
واركيت لاقسى الصعايب لاجل تحمينا
لاشعملت فتنةٍ واستكبرت سيّه
أصبحت مثل المطر تخمد وتروينا
وان قامت العقربة ترقص مع الحيّه
وطيتها بالقدم حتى تعدينا
ننام في وسط قلبك نوم حريه
وعيونك مفتحه تحمي ليالينا
آمان يوم ان بعض الناس مبليه
والنوم ما تعرفه بالخوف مبلينا
على العدو صارمٍ ما فيك ماويه
خصوص لا من جرم فالحد والديِنا
تضرب لغيره مثل وتعرّفه غيّه
والحق يظهر تحت نخله وسيفينا
ياسيدي وانت تاج المجد.. بل ضيّه
وانت الكريم الذي بالخير مسقينا
أرهى العطايا بكفك سوّت أوديّه
سيول من مكرماتك عزت ايدينا
انت البحر واكبر من البحر بشويه
وش ياخذ الموج من جودك ويعطينا
هذا وانا مالكي وارضي سعودية
أفخر بسلمان سيف الحق والدينا
