سألت النجم والقمرى وليل الأمس والميعاد..؟
وسألت الحلم وطيوفه عن اللي ما سأل فيني؟
وسألت الجرح عن شوق بوسط القلب له ميلاد..؟
انادي طيفه الغالي عسى قلبه يناديني
نساني ما ذكر قلب لهيب الشوق به يزداد
نساني اه لو يدري بحنين الضيم مشقيني
كتبته حرف في صدري ولكن للاسف ما فاد
وسكن بالقلب واسكنته بوسط الموق في عيني
ورسمته حلم بعيوني غريب مهنتي ببلاد
وطعن قلبي بغيباته وراح بعيد ناسيني
رجيتك يا ليال الشوق ابي منه غلا ووداد
ابيه يحس باحساسي ولو لحظة يسليني
خياله ما رحل عني ولو زاد الهجر بعناد
احبه موت واحلف له غرامه في شراييني
عساه يحس بآلامي وجرح الأمس والميعاد
يحس اني ابيه اليوم لو هو ما سأل فيني
