والا يا حمام الورق بالله تعمل خير
هذا أول قصيدي فيك بالله تقرينه
بديت القصايد فيك واللي يصير يصير
خليت القلم يرسم على الطرس تلوينه
لعل الحمام اللي من الغصن طار عصير
تصكه شماليه وتخلف موازينه
تصكه شماليه ويرجع لقاع البير
يرجع على غصنه ويرضي محبينه
حمامٍ وصوفه غير وايضا طياره غير
تواجهت انا وياه ثم طار من حينه
حمامٍ صغار وبيض منه الحمام إيغير
يذوب الحمام وتخدر الشمس في عينه
الا يا حمام الورق بالعقل والتفكير
حرامٍ عليك إتبهذل القلب وتهينه
لحونك تتل القلب مع نسمة العبير
كما تل هافٍ بالحموله مسرينه
ليا ناشه الثالث تنهّض وتل السير
تطوى تطوي طوية الداب من لينه
يتله خبير الدرب ومصدّره تصدير
جديد المكينه كاملٍ كل تمرينه
تعرض طريق إقطوع في ليله الخطير
وتجاوز ملفٍ خطر ما اختل تضمينه
عسى الله يحطك بالشبابيك قبل اتطير
وودعك والا كم فقد شوف غالينه
عليك الامان من المشوّك وهد الطير
عسى إمشوكٍ يرميك تكسر نياشينه
تدلل تدلل دام عمرك صغير صغير
ترى ما مضى من عمرك العام تبكينه
