بعد ليلا ثمثناه الظلام ولا ضواه النور
زرعت النور بأهداب القصيد وطير عماسه
وسريت اجر صوت ما يجره خاطراً مسرور
وأهيجن لك قصيد دفتره قلبي وكراسه
وأبيح لك العتاب اللي بقلبي له ستة أشهور
عتابا لو كتبته ما اختلط حبر وقرطاسه
حبيبي وأعشقك وأحن لك واهواك لو تجور
واعديك الملام وينحني للوكر قرناسه
على زمة غلاك وطول صبري والليال دهور
عليك سبور حزن بالضلوع العوج عساسه
تذكرني لو اني ما نسيتك يا شبيه الحور
تذكر كيف انا بين القلق والضيق وأوناسه
على اقبالك يزف الورد عطره ويهدا ويثور
وعلى أقفايك حبيبي كل حزن تقرع أجراسه
أعرف أنك مدلل في زمانك يا رقيق شعور
عليك عيون يطويها السهاد وعين حراسه
وأنا تدري وريث للعذاب وخاطري مكسور
من أطعون الغرام ومن تباريحه وهوجاسه
وبعد ليلاً تمثناه الهجاد وغاب عنه النور
زرعت النور بأهداب القصيد وطير عماسه
