|
|
|
نشرنا في عدد الأسبوع الماضي لغزاً كتبه الشاعر المعروف ناصر بن عبدالله المسيميري من محافظة الرس وكان نصه:
وكالعادة تجاوب قراء الجزيرة مع اللغز وجاءتنا عشرات الحلول.. وبعد الفرز استحق النشر الحلول التالية التي اكتملت فيها جميع الشروط:
موسم بن سفر القثامي - الطائف
سعد بن صنهات السهلي - الدرعية
عبدالاله حسن القعيري - المزاحمية
عبدالله سعود الدغيثر - ضرما
محمد بن عبدالعزيز الخنيفر - اشيقر
علي رشيد الرشيد - رياض الخبراء
عبدالهادي فهاد العرجاني - الافلاج
عطا الله بن سليمان العطا الله - الزلفي
عبدالله بن غازي الحنيني - الضلفعة
صالح بن عبدالله الزرير التميمي - الرس
فهد بن عقيل الطويان - بريدة
محمد بن حمد البدر - الزلفي
الا يا طالبٍ لغزٍ جميل ما عليه جدال زعيمه ناصر المشهور يكتب ما تبي وافي ويا ناصر كشفت اللغز والمقصود حبة خال ولك يا ابو محمد وجهت حلٍ كاملٍ كافي
هلا باللي كتب لغز التراث اليوم طاب الفال هلا في شاعر الالغاز ناصر نسل الاشراف لغز تبي يا صاحبي ترى جوابه حبة خال له منزلٍ على جلد الانسان بيّن وخافي
هلا باللغز وراع اللغز ناصر وافي الافعال نعم وا في ولغزك يابو عبدالله بعد وافي وحله كان ماني مخطيٍ يا خوك حبة خال تشاف بمنزله والا تجي في منزل خافي
يا علي ما نمشي لك الحق بالضيف الضيف ضيف الله ولا احد مشابه الضيف له حق ونحماه بالسيف عند المحارم ما نهاب الحرابه وقال ايضا في هذه المناسبة: امر سديته يا علي ما بعد صار جيتوا تبون ضيوفنا غصب عنا رجالنا يفرح الى شاف خطار يقحص لهم عجل ما هوب يتونا لاجن يسوجن السفايف والاكوار لا لوذن ببيوتنا يرجهنا اول قراهم من حليات الاثمار غرايس طلعة سهيل اثمرنا وثاني قراهم دلة نصفها بهار ونجر نلاعب به على كل فنا وثالث قراهم حايل دوم تندار ومناسف لضيوفنا ينهضنا وش عذرنا من لابس الخصر وسوار اللي يرشن الذوايب بحنا
قصيرنا ما حشمته عندنا يوم يزيد مع زايد سنينه وقاره الا قزت عينه قزينا عن النوم والشيخ ما يكتب عليه الخساره دونه نروي كل حد ومسموم ترخص عمار دون كسر اعتباره مصعب ظهر مضمون الا من القوم حنا نخلط جمارنا مع جماره
يا شلاش ما نعطي دخيل نصانا لو جمعوا كل العساكر والاروام
يا شلاش ما نعطيك حمر الطرابيش لو جمعوا كل العساكر علينا دونك نسوق المال والخيل والجيش وان لزموا يا شلاش نرهن حدينا
عذروبنا حكي الجوق ما ندانيه نقب قبت ولعة من شبوبي قله بضف محمد كان يبغيه واللي يقرب للدخيل مهزوبي
انشدك عن رجلٍ مسمى ومعروف وقت الشدايد ينفعك.. بس ينعاف ينفعك بظروف ويحرجك بظروف يركب عليك ولا تشيله بالاطراف
يا بن آدم لسانك وقلبك ملمك ترى اصغرينك للاوادم مراتي لا جيت مجلس خل الانصات همك اخذ المفيد وخل غيره فواتي ان ما نشدوك وخلو البال يمك ما للسوالف لو تسولف طراتي ولا كل من يدلي بدلوه لجمك قصده ظما ما تعرف الخافياتي وان شفت ناس بالمجالس تهمك اخير من بعض الكلام السكاتي ويا زين مدري لو خالك وعمك لا قلت مدري ما يجيك الشماتي ترتاح وتريح ضميرك ودمك عن كثر قيل وقال هذي وصاتي
عاش الزعيم اللي رفع راية الدين هو عزنا.. هو نورنا هو زحلنا بطل الخليج وخادم للحرمين قايد مسيرتنا.. محقق املنا دنيا ودين وسلطةٍ للسلاطين وفيه الخصال الطيبة يوجدنا
زعيم مواضيع الحقيقة يبرهنها زعيم سلاطين الدول تحسب احسابه فهد في جميع ظروفنا واحدٍ منا لكن لا تقدم عند الاعداء فهد غابه
ولي عهده يأمن العهد عبدالله تفكيره.. هو التفكير والجابه الجابه ابو متعب اللي لا وقف موقفٍ يافي على كل رأي طال شبره وطلنابه
أنتم يال مقرن منبع العز والهيبه بيت العز منكم ياعمد البيت واطنابه ورثتوه من راس اصوك الراس اخو نوره اللي سمرت عجلان شلفاه في بابه حكمها وحيد لين حقق مطاليبه بوقتٍ مضى ما فيه مدفع ودبابه ايامٍ يصارعها على القب والضمر وكم دار صبح به.. وكم دار مسابه وشلفٍ يوردها على القلب والنحر ورمح يثبت فالتلابيب مضرابه وليا قيل منهو قلت عبدالعزيز اللي لا قبله ولا بعده عقيدٍ يحلا به
ونّ ابن جدلان من لايعٍ لاعه كن في كبدي دوافير صناعي العب المنكوس واحب روجاعه مملٍ فالوقت والوقت خداعي ما دريت ان ضحكت الوقت خداعه شفت مدخالي ولا شفت مطلاعي لا بغيت اسج والا انبسط ساعه دق قلبي من وراء حدب الاضلاعي كن من بين الضلوع الة طباعه تشتغل لا نمت واقوم مرتاعي هم قلبي ما يفرق تجماعه غير جر الصوت والناس هجاعي فاقدٍ لي سلعة وأكبر بضاعه سلعةٍ تشرى ولا هي بتنباعي رفقة الطيب اليا غير اطباعه اشهد انه كية توجع اوجاعي
ظروف الشدايد سدها للمراجل فيد ويقدرها راع الوجهات والنصب والبرقه الا حاجتين تبحث اللي مداه بعيد ليا طال المرض.. والا ليا طالت الطرقه هاذي والله اللي يظهرن الردى والجيد ومن فاز بالثنتين ذولي ظهر فرقه
الا يالهبوب البارده عجلي هبي على جاش من قامت هواجيسه أتلوبه أنا مرةٍ اصحي ومره يغيبي وأسرح معا كثر الطواري بغيبوبه الا يادهر ما هو بحقٍ تلاعبي وخليتني لمقرد الخلق لعبوبه أعبادٍ مغفله الزمان وتعجبي يحسبون قل المال فالرجل عذروبه وأنا قانعٍ باللي علىِ كاتبٍ ربي ومومن بمقدروه وقائع بمكتوبه ولا ابغى عمى الاريا برايه يجربي وهو ما عرف ماجوب ربي وماجوبه هذور المجالس راعي المدح والسبي وهو بالخلا لوجاه بنتٍ خذت ثوبه يقولون لي جز من تصرفك وتحبي وهي توبتي من مجتمعهم هي التوبة ديار الوباء من طبها راح متوبي وقرابة الجرباء على الحول مجروبه
الشعر صدقه على الافعال تأكيدي وتقبل شهوده بدون أصكوك وأثباتي مجده يخلد ابيوتٍ للاجاويدي تبقى ضويه بعد الأسلاف حياتي وأكد بطبع العروبه والتقاليدي من لا نفع حي مايفقد ليا ماتي ما هو بشعر المظاهر والمقاصيدي يا صاحبي رش خبزك من لبن شاتي
من نفعة اللي ما طلبني منافيع جميلةٍ في غير اهلها ضياعي باسواقها ماعاد لاشري والا ابيع لخطيت من رفقة طويل الذراعي اللي على الرفقه تسوقه دوافيع هذاك تشرى رفقته ما تباعي اما يشجعني على الطيب تشجيع والا يعلمني حميد المساعي
يا وجودي يا الله أنك تزينها تزين كلما ظنيت لي ظن خابن الظنون والله اني ما عتذر عن لوزم الطيبين وان عسرني فالمطاليق دايم يعذرون لانهم قد حدهم وقتهم ومجربين مرة يلقون وامرار ما يلقون لون فالخلا عندي زبادٍ ونسمة ياسمين خير من ترحيب ناسٍ مغير يجاملون اتلذذ بالخلا من عداة الغايبين واجتماع اللي يقولون ما لايفعلون مرخصين انفوسهم وابخلا مستكبرين دايمٍ من دون في دون حتى ينفقون
يا ثقلي.. ويامقوا عزومي وياصبري أجامل على جرحي وأنا اشوف دكتوره تزود عذابي وكل شيء على خبري لا شين تغير لا طبيعة ولا صوره جبرني غرامك يالطيف الحشاء جبري على الموقف اللي فيه الانظار محصوره لا رحت منكم كني احدا على قبري ولا جيتكم ودي بالاحوال مستوره
يا صاحبي جاني على هرجتك ضموه والهرجه اللي غير هرجتك ما اطعمها هروجك عطتني عن هروج العرب حموه تسولف على الناس غيرك ولا افهمها
يامل قلبٍ هبوب الحب لا هبته كثر الهواجيس تقبل به وتقفي به عليك يا عود أبان ناعمٍ نبته يا مسك يازعفران الهند ابوشيبه اشفي لك اسفا من المذهب لذاهبته وأشفق له اشفق من الوالد على صيبه
ياليت.. يامل قلب منك يازين ماعاد تستخدم الا في غرضها ناسٍ يقولونها ما هم بدارين من غير تفسير معناها حفظها هنيهم في هواهم مستريحين لا فاتهم حاجةٍ جاهم عوضها ما تدري ان المحبة للمحبين ما تنفرض كان ربي ما فرضها سلاسل الولف لا شبكة بين قلبين تبطي واهلها مطاولها مرضها فالزين ما هو بزين الخد والعين الزين جمع الطبايع مع بعضها
انا العي كما يلعي من الورق مفجوعه على بيضها اللي شافته وخذ من عشه على صاحب معه العلاقات مقطوعه عراوي فوادي عقب فرقاه منحشه احبه محبه داخل الصدر مزروعه تغذا على دم الشرايين والمشه هروج العواذل فيه ما هي بمسموعه وراع الهواء من ينصحه كنه يغشه
أنا وين ابا القاء يالاجويد فاعل خير حريصٍ على سر المحبين لرسلته امنول لو اصبر عام مابان بي تأثير وهالحين حتى صبر يومين ما احتلته أنا مثل صقارٍ تولع بحب الطير ولف قلبه افروخ الصواريم وهبلته تولعت في فرخٍ قصيبٍ يتل السير ابي لمحةٍ من نظرة الحر واسبلته صغير بسنه غير عندي ما هو بصغير يا مغلاه في قلبي وياكبر منزلته اجمع له اسمان الهرج خوفٍ من التقصير ولا جيت ابا اشرح له كلامي تهيزلته
يا هل القصيد مراسلين الجرايد تكفون صونوا كلمة الشعر تكفون خلوه يلقى من وراكم فوايد فيدوا وخلوا غيركم يستفيدون لا تعرضون انفوسكم للنقايد الرابح اللي من غثا الناس مصيون اليا بغيتوا نادرات القصايد صيتوا لشعار الادب وش يقولون اهل الادب والتجربه والركايد امثال مرشد.. والعطاوي وابن عون
ياسلامي على اللي ماجحدنا مكانه يعرفونه هذيل ويعرفونه سباعي لو لزمنا شليويح وقطعنا لسانه يصفي البحر وانزل حمول السواعي
مرحباً بالعميل اللي مساير زمانه نوب يبني قصور.. ونوب يبني شراعي كل ما يذن المذن تسمع لاذانه لو تراعي هل التوحيد ما أنته مراعي
كل مامرني فارس عزومٍ حصانه قلت من رفسته يالله تسلّم كراعي ما نلوم الغشيم اللي معذبك شانه لو لقينا عظامه في بطون السباعي
لا تمر الحصان اللي يزيد اربعانه من بغى يصقل الرجلين طق الذراعي أنت مثل الكريم اللي يضيع دهانه لو بغى يحفظ الزبدة ترى الدهن ماعي
اعقل شعيل لا يمشي طريق المهانه وأشبعه من غصون الطلح لن كان جاعي نص فنجال لو نعصرك يالبرتقانه مابقى للحجيج الا طواف الوداعي
البعير الصعب ماقط مسوا بطانه تحسب انك ليا قدته وراء الزمل اطاعي لاتعصرون روس الشوك والعلم امانه لا تدخل يدينك في حلوق الافاعي
ماضربنا اليتيم ولا نعرف الخيانه لا تضيّق على الناس الدروب الوساعي أنت ورعٍ تبا الراحه ودار الحضانه يوم قطعت ديس امك وعفت الرضاعي
كان سويتها بالقوم كيد ولعانه كيل صاعك واخذ بالصاع عشرين صاعي الولد كان غايب يحتمونه خوانه وأنت وش جبت لامك يوم سرحان جاعي
انته أغرب من العنقا.. وبيض السمانه يضحك الخسي« منك ومنك يبك الرفاعي» انت لين ظهر الين من الخيزرانه والعرب يرقدون الليل وابليس واعي
انت سبعٍ تجس الدار عندك حصانه مير جالك عميلك يالعميل القطاعي الحجازي موسم كل زمله وضانه وراح في ديرة اهل الشرق.. بالشرق ضاعي زهران عون الله المطيري - بريدة
الهوامش* الشاعر الكبير، محمد خلف الخس * من شعراء المحاورة بالكويت |
[للاتصال بنا][الإعلانات][الاشتراكات][الأرشيف][الجزيرة] |
