فكرت في فرقاك مليون مره
واذا انتهى تفكيري اشتاق لك حيل
مدري فراقك وهم والا مسره
مدري فرح؟ مدري ألم؟ او مواويل؟
لقيت حبك في خفوقي مقره
ولقيت دربي يا حبيبي تساهيل
لقيتك اكثر من نجوم المجره
في دنيتي تضوي ليال التعاليل
فكرت في حبك بحلوه ومره
فكرت في معنى اللقا والمواصيل
فكرت بك وشلون يمكن تشره
في بسمتك ؟ والا بدمعٍ هماليل
اخذ واعيد بهاجس الفكر كره
والقاك حبٍ ما حصل فيه تبديل
فكري يحوم وهاجس الصبر غره
من صمته الجارح كفخ دون تحصيل
يطير في كونك وهمسك يجره
يفتح له آفاق الليال المقابيل
احيان صدك لا تناسا يمره
واحيان يلقى من غرامك مراسيل
فكرت انا عشرين مليون مره
لقيتني مشتاق مشتاق بالحيل
