راحت تضم بقلبها عشق وأسرار
اقفت وضاقت من بعدها الوسيعة
قفت ولاهي راضية بالذي صار
لاشك حكم الوقت غصبٍ تطيعة
ابطت ولاجتني عن أحوالها اخبار
غابت وذاق القلب مر القطيعة
اخترتها وماظنتي عقبها أختار
وسلمتها عشق القلوب الرفيعة
حان الفراق وذي تصاريف الأقدار
والصبر مر وزاد مر الفجيعة
وشلون أبنسى والحنايا لها دار؟
وشلون ابسكت والخديعة خديعة؟
لو قلتلي تدلةَ مع الوقت يا ذعار
ونسيانها من باب سد الذريعة
بقول لك تبقى على مر الأعمار
بالذاكرة«يا ذعار» مثل الوديعة
من يومها ما عاد لي غير تذكار
والدمعة اللي بالمحاجر سريعة
ومثلي يبي يقوى على صالي النار
ومثلي يقوم بحمل ما يستطيعة
ومثلي يسلي خاطره فزعة أحرار
عن صدمة أيام النوى والهزيعة
ماجت تهقوى بنت الأجواد باعذار
جتني تقول«الوقت» غصبٍ نطيعة
