امي وتخضر لي ذكرت اسمها البيد
امي مطر يهمي على عطف ووداد
امي شموع الحب في ليلي تقيد
الله يا طيبه وكبره من فؤاد
حنانها يكفي هل الارض ويزيد
لي دوم معها والفرح الف ميعاد
لصوتها في مسمعي عزف اناشيد
اسافر وارحل به من بلاد لبلاد
تشقى لاجل اعيش في عمري سعيد
تتعب لاجلي تقضي الليل ف سهاد
ترضى وتكمل لي جميع المقاصيد
حيث ان دعوتها ابد مالها راد
احني لها راسي واقبل لها الايد
مثل الطفل لأمي انا دايم انقاد
مهما علا شأني وروحت لبعيد
امي لها قدر كبير وابعاد
اخضع لها اكثر من العبد للسيد
ابوي وامي غيرهم من لي اسياد
مقدر اجازيها ومدري وش اتريد
ودي اراها دوم في خير وسعاد
الله يحفظها لي سنين ويعيد
العيد كل عام عليها وينعاد
وارجع اقول ان شوفة امي هي العيد
لي فابتسامتها مسرات واعياد
