هلا يا سيدي ترحيبة فيها القصيد يجود
تعبر مفردات الشعر يا سيدي معانيها
هلا عداد ما ذعذع هبوب النود
هلا عداد من زار الحرمين ومشا فيها
باسم فيصل نهلي مرحبا حييت يأبو سعود
يحييك القصيم بمدنها واللي سكن فيها
عليم الله نحبك والمحبه بالقلوب تزود
على طول الدهر يا سيدي تسمو معانيها
فرحنا بشوفتك يا سيدي فرحه بدون حدود
وطيت أهلا وسهلا بالقصيم وأنت غاليها
هلا يا نايف بالخير في ظرف الليال السود
هلا يأمن الوطن يا حارس بلادي وحاميها
عريب الجد لك كلمه وقفه والفعول اشهود
ثمر جهدك جليل والثمار اليوم نجنيها
بذلت الجهد يا سيدي ولك في كل يوم اجهود
سديد الراي وعزومك بعيداتٍ هقاويها
وكريم لطيف دائما نفسك تحب الزود
على خدمة وطنا دائما رجلك تمشيها
تحت ظل الفهد عشنا كرام وكل أبونا افهود
عسى ربي يسلم قائد النهضة وبانيها
وعسى ربي يديم امن البلاد ويخزي الحاسود
وعسى الله يذهب الحساد وأهل الشر يفنيها
ويدم العز لبلادي ويحفظ لنا آل سعود
وباسم فيصل هلا مية هلا بأولها وتاليها
