هلا يا سيدي ترحيبة فيها القصيد يجود
هلا عداد ما ذعذع هبوب النود
باسم فيصل نهلي مرحبا حييت يأبو سعود
عليم الله نحبك والمحبه بالقلوب تزود
فرحنا بشوفتك يا سيدي فرحه بدون حدود
هلا يا نايف بالخير في ظرف الليال السود
عريب الجد لك كلمه وقفه والفعول اشهود
بذلت الجهد يا سيدي ولك في كل يوم اجهود
وكريم لطيف دائما نفسك تحب الزود
تحت ظل الفهد عشنا كرام وكل أبونا افهود
وعسى ربي يديم امن البلاد ويخزي الحاسود
ويدم العز لبلادي ويحفظ لنا آل سعود
تعبر مفردات الشعر يا سيدي معانيها
هلا عداد من زار الحرمين ومشا فيها
يحييك القصيم بمدنها واللي سكن فيها
على طول الدهر يا سيدي تسمو معانيها
وطيت أهلا وسهلا بالقصيم وأنت غاليها
هلا يأمن الوطن يا حارس بلادي وحاميها
ثمر جهدك جليل والثمار اليوم نجنيها
سديد الراي وعزومك بعيدات هقاويها
على خدمة وطنا دائما رجلك تمشيها
عسى ربي يسلم قائد النهضة وبانيها
وعسى الله يذهب الحساد وأهل الشر يفنيها
وباسم فيصل هلا مية هلا بأولها وتاليها
