يا بنت أنا فيني من العام جرحين
جرح الفراق وجرح مس الكرامة
كانك غشيمه في الهوى لا تلومين
ذاك أول اسمع شكوتك والملامة
ما أمنك دامك علينا تحبين
اشخاص تزرع في هوانا الندامة
أنا أقدر أبيعك أجل.. وش تظنين
وأقدر على جرح الفراق والتآمه
يا جاهلة باسلوب فن المحبين
حب الطهر يابنت عالي مقامة
أصعب حدث يومك في لحظة تخونين
قلب عطاك العاطفة والشهامة
تدرين زينك ما يضاهيه حلوين
بس انتي مدحك بعض الأحيان لأمه
من زود ما انتي في زمانك تعانين
طالت مع ساعة لقاك السلامة
ملزوم في ليل العنا أسهر العين
لا صار بين الحب قل احترامه
