أنساك كيف أنساك ماني بناسيك
أكذب عليك إن قلت حبي نسيتك
ما فيه يوم مر ما مر طاريك
أقفيت عنِّك علم والحلم جيتك
حلوه سنيني لو بالأحلام أناجيك
يا اغلى بشر في دنيتي ما سليتك
لو رحت لأقصى الكون وأبطيت مغليك
أنت الوحيد اللّى لقلبي رضيتك
حبك رسمته في ضميري ومدنيك
كتبت حبك في حشاي وقريتك
يسقى زمان ضمت يديني يديك
ويسقى مكان فوق رمله لقيتك
يا ما على وضح النقا جيت ناصيك
لو كان مايدرون سكان بيتك
تذكر حبيبي يوم تقبل وأحييك
يومك تقول أبي قصيد وعطيتك
أحلى قصيدي كاتبه يالغضي فيك
لعيونك الثنتين يا من هويتك
صغته بوصفك جل منهو مسويك
وفي زين دلك ياغناتي وصيتك
يابو جديل لا ضوى البرد يدفيك
وخد على نوره حبيبي سريتك
ونواعسِ تسحر عيون تراعيك
ومنطوق أحلى من العسل لادعيتك
وجسم زها طولك وربي محليك
وصايفك تزها القصيد وزهيتك
لكن حبيبي لا يطول تغليك
أنا رويتك حب ثمٍ ظميتك
