لا ما أحسبك يا قلب يقصر بك الحيل
لا ما أحسبك يا قلب تمسي جزوعي
حدَّرك من جافاك سيلٍ على سيل
لين انجرف همي وصافح ضلوعي
كل أكثر العشاق باتوا بلا ليل
وأنا من الأحزان بت بخضوعي
يا مرزم أيامي بعطر التعاليل
لك بالغياب أوصاف حلمٍ يروعي
ما ذقت أنا الراحة ولو هي مقاييل
ظلمك ستر عدلي.. وسنّد.. قطوعي
والحال صابه من غلاكم بهاذيل
كان الشقا حظي.. فهذي طبوعي
رد العزا لو ما اعطى العهد تبديل
يحرم علي أنساك لومت جوعي
لو حدني وقتي بقطع المراسيل
لا جيك أنا أسعى لو على أطراف كوعي
نبت الغلا ثابت وجذعه مواحيل
وإن طاح عذقه.. فالأساس الفروعي
