مرحوم ياللي ما حصل منك تقصير
كامل ولله الوفا والكمالي
جيت الطبيب وقرر العلم تقرير
علمٍ موكد قال شد الرحالي
ريف الجماعة والضيوف المناحير
مع الشحم يلقون صفر الدلالي
وراعي هلا لا شاف ربعه مسايير
اللي بعيد الدار واللي موالي
ويا الله يا منش المزون المزابير
تلطف ببويه يا عزيز الجلالي
تلطف ببوي وتجعله من هل الخير
وتثبته لا حان وقت السؤالي
وعساه ما يونس لهيب السواعير
ويشرب من الصافي قراح زلالي
ولو القدر تفيد معه المعاذير
كان المنيه مهلتله ليالي
وهذا زمانٍ سايرٍ سيره ايسير
ياما بها الدنيا مرارة وحالي
أدعو لبويه بالرجال المسافير
ابجنةٍ فيها السعد والظلالي
والخاتمة تعداد ما غرد الطير
صلوا على مرسول منشي الخيالي
