للقلب من زود المشاريه ونه
دمع الغلا بالعين فاضت بحوره
يامن يجيب العلم بالخير عنه
ترتاح نفس بالغياب مخطوره
قلبي على فرقاه يا ناس كنه
من صاح ضرسه وانتفخ من جذوره
ما نام والعينين ما غمضنه
يفز من زود الوجع والحروره
يا بنت شوفك عند مغليك جنه
لا تلعبين بقلب مغليك كوره
مر تبين الوصل مع زود حنه
ومر تقولين الوصال محضوره
جرحي على فرقاك بالجوف اكنه
والنفس مع زود التغلي صبوره
شكيت انا ياخوي خلي وفنه
عليك وابي الحل من زود جوره
اما يجي والحب مافيه منه
والا يصوم القلب واربط سيوره
