بديت باسمك يارب يا رحمن
يا غافر الذنب وقابل اللي يتوبون
يوم الجمعة النبا فاجان
قالوا خالك عليه يصلون
سيلت من الدمع الحزين وديان
وكل الناس من فرقاه يبكون
من وصلني النبا وأنا حيران
والموت لابد الكل منه يذوقون
آخر كلامه ذكر وآذان
وخاتمته كل الناس عليها يتمنون
والمغسل من شوفته قال سبحان
الوجه منور كما ذهب مخزون
شيل بمسيرة كلها هم وأحزان
والمقبرة امتلت من ناس له يودون
ابن آدم يمشي بها الزمان
اليوم دافن وباكر هو مدفون
بالمقبرة شخص بصر كل إنسان
وبالعفو والغفران والفردوس له يدعون
أبو محمد فقدوه شباب وشيبان
والناس من كل فج جو يعزون
وأبو محمد توفي والكل عنه رضيان
وكل المجالس بالخير له يطرون
شيخ الفهيد وهو مؤسس البنيان
والبقية عساهم على الدرب يمشون
يارب عسى مسكنه بالجنان
وعسى الحبايب بالجنة يتلاقون
وصلاة الله على نبيه العدنان
محمد كثر المسلمين اللي يصلون
