يا محمد أنته يوم حركت شايبك
وفتحت لبواب القريحه شجوني
ابا اتكلم يا محمد واجاوبك
ما من كلافه من رصيد مخزوني
ابيات يا محمد جزيله وتعجبك
ما هوب انا اللي ما تجمل لحوني
وانا الذي ببحور شعري مدربك
لما نجحت وصرت منته بدوني
وأقول شاعر واعجبتني مواهبك
من خيرة اللي بالقصيد اعجبوني
فعلك يشرفني وتقدير واجبك
وعندي ثقة مانته مخيب ظنوني
وانا كان عودك يا ابيض الوجه جاذبك
عن منهج الجهال سد العيوني
صاحب رجال معرفتهم تكسبك
وعلق نياشين الشرف بالمتوني
والا الردي لو هو من اقرب قرايبك
سراب صبخا ما يبل الشنوني
جنب معابيره وخله ايجنبك
ترى الفخر ما هوب عرف العفوني
والدين خله هو ركيزة مذاهبك
واد الفروض واجبات الركوني
طيع الرسول اللي للاسلام ينبدك
في طاعة الله ما يفوز المهوني
واعرف ترى الله في مسيرك مراقبك
ولا بد من ساعة تغيب الذهوني
الله عن المكروه والشين يحجبك
عساك بالعز الحصين محصوني
