يا سامعٍ ما قلت ربي يجيرك
ياالله من كل الصواديف ينجيك
والله يعلم كل شرك وخيرك
وليا طلبته عالم الغيب يعطيك
عليك بالطيب وتابع مسيرك
والطيب خله دايمٍ من مباديك
واعقل ورجل الدين خله شويرك
وليا نصيته يوم لابد يوفيك
خل الكرم مبداك واكرم قصيرك
وكمل طلب جارك ليا جاك ناصيك
وليا جهلت انشد من الناس غيرك
دور حكيم الراي بالراي يرضيك
ولا ترافق اللي للمعاصي يثيرك
هذاك مثل ابليس وابليس يغويك
ليا صار حولك بالمكان ويديرك
لابد من سوالتها ليك يرميك
لا تقربه لو هو قريب أو خشيرك
بالعله اللي فيه لابد يعديك
لو هو خويك في عملك أو مديرك
اخذ الحذر وابعد عسى الله يهديك
هذي نصيحة وانت حكم ضميرك
وعليك بالتقوى تراها تنقيك
لابد من يوم تلاقي مصيرك
وتخلي عيالك وربعك واهاليك
