حبي عذابك وانت حبك عذابي
انت المعذب وانت عذَّبت مغليك
لو شفت حالي هان حالك بمابي
لو شفتني تبكي على حال باكيك
حبَّك على شاطي عذابي رسابي
من بعد ما عشت الهنا في لياليك
مجبور عنك ابعدت لو كنت مابي
كلٍ درى عن سرك انته وغاليك
من كثر حبَّك عنك حبَّك مشابي
عشان أحبَّك لازم ابعد واخليك
خايف عليك ان جيت لك يندرابي
ولاَّ انا.. لو راحت الروح تفديك
والشمس ما غابت عليها سحابي
بعد المطر تشرق علينا وتدفيك
إصبر وابصبر يالهنا والعذابي
وان قدَّر الله يا هواي التقي فيك
وما نيب ناسي لا يهمّك غيابي
لو انِّي انسى اسمي فلا نيب ناسيك
