صار بيني وبين الشوق شي قليل
يا هلا بالليال اللي تجيب الغرام
كل ما جن ليل وصار كلي عليل
قلت ما يبري العلات كود الهيام
صاحب القلب عنك القلب عيا يميل
وبالعيون المودَّة لك شجون وكلام
خذ جنون العواطف دام ليلي طويل
ما يجاريك غير العاشق المستهام
بالمحبة لك اللي ما لعشقه مثيل
يسهر الليل لأجل تشوف عينك منام
وبالتحدي لك اللي يعشق المستحيل
ما يهمه ولو يكثر عليه الملام
دام قلبي يودك وأنت مالك بديل
رح وأنا بنتظر صبحك يفج الظلام
أشغلتني عيوني قلت صبر جميل
كلها بالليال اللي تجيب الغرام
