قاف لفاني خاطري منه ملهود
منه الطواري بالحشا هوش ساقه
يا ابن خلف يا القرم يا ماقع الجود
لاحظت في قافك علي اصطفاقه
جاني جواب منك مافيه منقود
لاشك بعض بيوتكم به غماقه
تقول عني حامل غيض وحقود
ياكبرها ياعبرها يا الرفاقه
بالظن شلفاكم ركزته إلى العود
في صاحبك بعد الغلا والصداقه
لا كن ترى ماقلت منكر ومجحود
لا تجعله بي مثل كف الحلاقه
بيني وبينك عامل الشط مفقود
والبيت مايصلح بليا رواقه
بيت بليا ساس لو طال مهدود
لوزين الدهان نقشت اطياقه
غلاك عندي له براهين وشهود
لاجيت تلقا بالحجاج انطلاقه
ما انته على المسيار يا القرم محدود
موترك عندك وانت ناجح سواقه
سير وتلقاني إلى جيت ماجود
وحنا بعد نحب منك الوياقه
راعي الهوى نفسه تجي دايم سوق
ويصعب على غير الموده سياقه
مالي بشيل الهرج من كل مقرود
ولا لي بنقال النميمه علاقه
